Iloilo City–Temporaryo nga ipa-untat ni Mayor Jed Patrick Mabilog ang mga road repairs samtang ginahibalo pa ang matuod nga rason sang pagbaha sa syudad dala sang Bagyo Marce sang nagligad nga semana.

Suno kay City Administrator Atty. Hernando Galvez, na-alarma si Mabilog sang nakita nga ginbaha ang mga ginkay-o nga dalan. Ginmanduan sang alkalde si City Engineer Roberto ‘Bobby’ Divinagracia nga magsumiter sang report subong nga semana agud ma-identify ang rason sang pagbaha kag gilayon nga masolusyunan.

Pila lang sa mga ginalantaw nga rason sang pagbaha sa syudad ang daku nga volume sang tubig halin sa mga banwa sa probinsya, ang high tide sang Biernes sang hapon ukon mga barado nga kanal.

Mas maayo suno kay Galvez nga masiguro ang rason sang pagbaha agud nga mahatagan sang insakto nga solusyon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply