Tokhang surrenderer sa Banate, gin-raid; subject nakuhaan sang mga pusil, bala kag gambling paraphernalia

Iloilo City — Nakuhaan sang mga armas, bala kag gambling paraphernalia ang balay sang tokhang surrenderer nga si Eugene Dela Cruz, 54 anyos sang Carmelo Banate, nga ginraid sang Criminal Investigation and Detection Group.   Ginpangunahan ni Inspector Pedro Celino sang CIDG Iloilo/Guimaras ang operasyon bitbit ang search warrant. Nakuha sa balay ni Dela Cruz ang isa ka kg9 machine pistol; isa ka 45 caliber pistol; airgun rifle; mga bala sang m16. 45 caliber kag 9mm; apat ka long magazine kag isa ka short magazine sang armalite; isa ka magazine sang kg9; duha ka magazine sang 45 caliber; holster kag mga gambling paraphernalia.

Si Dela Cruz suno kay Celino ang yara sa listahan sa Camp Crame bilang bag-o identified nga drug personality, madugay na nga involve sa illegal gambling kag nagabaton sang ginprenda nga mga pusil kag nagabaligya man sang mga pusil. (JoMaque)