LOOK: Awto, nakabunggo sa generator sang bangko sa City Proper; 1 patay, 3 pilason

Iloilo City — Isa patay kag 3 ang pilason sang nadisgrasya ang Toyota Vios sedan sa General Luna Street, City Proper kahapon.  Base sa imbestigasyon sang police station 1, nadulaan sang kontrol sa manibela ang driver sang salakyan nga si Josefina Savari, 60-anyos sang Guzman Street, Mandurriao.  Gindala pa sa ospital si Clarence Gasapo, 27-anyos apang napatay bangud sang pilas sa ulo.  Padayon naman nga ginabulong sa Western Visayas Medical Center kanday Philip Jhun Hojilla, 23-anyos, Rusticttelo Abecino, 20-anyos kag Joan Carmil Savari, 23-anyos, lunsay pumuluyo sang Brgy. Hibao-an Norte, Mandurriao.  Preso sa Police Station 1 ang driver sang salakyan. (JoMaque)