3 ka preso sa Antique nga nagtuyo magpalagyo, naaksidente sa ginasakyan nga motorsiklo

Antique, Iloilo — Natukiban nga nakapalagyo ang tatlo ka preso sang Antique Provincial Jail matapos nadisgrasya ang ila ginasakyan nga motorsiklo sa Barangay Borocboroc, Belison, Antique.  Ginkonfirmar ni Police Regional Office 6 Spokesman Gilbert Gorero nga na-aksidente ang tatlo ka inmates sang Oktubre 29, sa pareho man nga adlaw nga nagpalagyo sila.  Naka-hospital arrest sanday Lloyd Vicente Francisco, 27-anyos nga may kaso nga murder; Alan Lerona, 27-anyos nga may kaso nga murder kag Marvin Nabong, 31-anyos nga may kaso nga rape. Gina-imbestigaran pa suno kay Gorero kon ngaa wala namutikan ang pagpuga sang tatlo.

Gin-athag naman ni Gorero nga ginadumala sang provincial government sang Antique ang Antique Provincial Jail. Gintinguhaan sang Aksyon Radyo nga matawgan si Governor Rhodora Cadiao kag makuhaan sang komento pero indi macontact ang iya cellphone number. (JoMaque)