Plano Ni Presidente Rodrigo Duterte Nga Pagdeklarar Sa NPA Nga Terorista Gina-abi abi Sang Philippine Army
Western Visayas – Gina-abi-abi sang Philippine Army ang plano ni Presidente Rodrigo Duterte nga ideklarar nga terorista ang New People’s Army.
Base man ini suno kay Lieutenant Colonel Sisenando Magbalot, commanding officer sang 61st Infantry Battalion sang Philippine Army, sa pahayag sang ila chief of staff.
Pa-athag ni Magbalot, ginhimo na sang gobyerno ang tanan nga paagi kag ginhatagan sang tsansa ang NPA nga mag-upod sa mga pagtinguha agud malab-ut ang kalinong kag katawhay. Apang bisan may peace talks sadtu, padayon suno sa iya ang mga rebelde sa indi maayo nga bulutahon pareho sang extortion kag pagpangrecruit.
Sang damlag lang, ginpabutyag sang Presidente nga ideklarar niya ang NPA nga terorista nga grupo bangud sa mga kalakasan nga ila ginahimo nga nagadalahig sang inosente nga mga sibilyan.
(ATT)