(UPDATE) Mga testigo batuk sa ginpahayag drug personality nga gindudahan nagfinance sa pag-atake sang NPA sa mga pulis sa Sibalom, Antique, nag-isol sa pagfile sang judicial affidavit

Sibalom, Antique–Nagbiya sa Barangay Pis-anan, Sibalom, Antique ang pila ka testigo batuk sa ginpahayag drug personality nga ginadudahan nagfinance sa pag-atake sang New People’s Army sa mga pulis sang nagligad nga bulan.

Ginkumpirmar ni Inspector Clark Philip Dinco, hepe sang Sibalom Police Station, nga nag-isol ang tatlo ka testigo sa pag-execute sang judicial affidavit bangud ginakulbaan para sa ila seguridad. Bangud sini, posible indi mapasaka ang kaso nga conspiracy batuk sa gintumod nga drug personality.

Ginapreparar na lang ang kaso batuk sa NPA nga nag-ako sang pag-ambush.

Nagpasa man sang report si Dinco sa Police Regional Office 6. Tatlo ka pulis ang nasamaran sa natabu. (AGB)