Iloilo — Tawgan ni Liga Federation President kag Ex-officio Board Member Pablito Gemarino ang mga Association of Barangay Captains ukon ABC presidents sa probinsya. Ini agud ipabalo sa ila nga magdesignar sang firecracker zone sa kada barangay base sa Executive Order Number 28 nga gin-isyu ni Presidente Rodrigo Duterte sang Hunyo subong nga tuig.  Pabor si Gemarino nga i-regulate ang mga palupok agud malikawan ang disgrasya nga firecracker-related. Gin-ako ni Gemarino nga wala pa siya nakabasa sang EO pero kon siya ang masunod, mas maayo nga idumili ang pagpalupok sang anuman nga firecrackers sa pagsug-alaw sang bag-ong tuig.

Nagpabalo si Iloilo Police Provincial Office Director Marlon Tayaba nga ipatuman nila ang EO kag nagpa-andam sa publiko nga posible ma-aresto kag mapreso ang madakpan nga nagpalupok sang firecracker sa guwa sang firecracker zone.

Pabor naman si Liga ng mga Barangay President kag ex-officio Councilor Reyland Hervias sa Executive Order Number 28 nga naga-designate sang firecracker zone. Nagapati si Hervias nga luwas ang mga pumuluyo kon sa firecracker zone magpalupok sa New Year’s eve. Pagasapulon ni Hervias ang mga ABC presidents sa syudad kag ila istoryahan ang pag-identify sang firecracker zone sa kada barangay. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply