Iloilo City — Masaksihan ang mas matahum nga performance sang 10 ka mga participants sa Kasadyahan Regional Cultural Competition.  Ginpasiguro ini ni Dr. Eden Deriada sang DepEd Division of Iloilo City kag chairman sang Kasadyahan 2018. Handa na suno kay Dr. Deriada ang mga competing groups nga ipakita ang kultura sang ila lugar.

Carousel-type ang performance sa lima ka judging areas nga magasugod alas-8 sa aga kag posible matapos antes mag-alas-12 sa udto. Ang 10 ka participants sa Kasadyahan Regional Cultural Competition amo ang Pintaflores sang Don Carlos Ledesma National High School, San Carlos City, Negros Occidental; Tribu Kaing sang Tacuyong Sur National High School sa Leon; Guban Haw-as sang Dumangas; Hubon Mangunguma sang San Lorenzo, Guimaras; Tribu Pantat sang Zarraga National High School sa Zarraga; Tribu Tultugan sang Maasin; Tinabu-ay sang Murcia, Negros Occidental; ang defending champion ngaHubon Binagtong sa Manggahan sang Cabalagnan National High School sa Nueva Valencia, Guimaras; Ang Manoghabol kang Salakayan Festival sang Miag-ao National High School sa Miag-ao kag Tribu Banigan sang Libertad, Antique.

Ang magadaug magabaton sang 200,000 pesos para sa Champion; P175,000 sa 1st place; P150,000 sa 2nd runner-up; P125,000 sa 3rd runner-up kag P100,00 sa 4th runner-up. May yara man sang mga minor awards sa diin makabaton sang P20,000 ang Best in Street Dance; P10,000 sa Best in Performance; Best in Choreography; Best in Costume; Best Choreographer; kag Best Musical Director. Apat ka mga consolation prices nga tag-P40,000. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply