PDEA 6, nagpanindugan nga wala sang shabu laboratory sa Western Visayas

Iloilo City — Wala sang shabu laboratory sa Western Visayas. Suno kay Philippine Drug Enforcement Agency 6 Spokesperson David Garcia, ginamentinar nila nga consuming ang rehiyon kag wala nagahimo sang illegal drugs.

Nagpaguwa sang statement si Garcia matapos ginpresentar ni PDEA Director Derrick Carreon sa Rehabinasyon, ang anti-illegal drugs campaign sang Duterte administration, sa roadshow sa syudad sang Biernes nga may 108 ka shabu laboratory sa bug-os nga pungsod. Kon may laboratory sa rehiyon suno kay Garcia, mas manubo ang presyuhanay sang illegal drugs kag mas mahapos baklon.

Nagpa-athag naman si Garcia kon ngaa Iloilo City ang una nga roadshow sang Rehabinasyon. Ginpahayag sang mga opisyal nga nag-abot suno kay Garcia nga magluwas nga progresibo ang Iloilo, nagahimo ang mga Ilonggo sang paagi agud batuan ang illegal drugs. (JoMaque)