Resignation ni Jaro Archbishop Angel Lagdameo, ginbaton sang Roma: Most Rev. Jose Romeo Lazo, magabulos kay Lagdameo

Iloilo City — Gin-confirm ni Father Angelo Colado, director sang Social Communications sang Jaro Archdiocese, nga nabaton na nila kahapon ang reply sang Vatican sa pagresign ni Arch. Angel Lagdameo. 2015 pa suno sa iya nagpasa sang resignasyon si Lagdameo apang kahapon lang nakareply ang Roma. Magabulos kay Archbishop Lagdameo si Most Rev. Jose Romeo Lazo halin sa Diocese sang San Jose de Antique. Samtang wala pa ang canonical procession/installation, si Lagdameo ang magaserbe nga administrador sang Jaro Archdiocese. (JoMaque)