Balay, nasunog bangud sa napabay-an nga kandila sa altar

Iloilo City — Iloilo City – Partially damaged ang balay ni Yolanda Manalo sa nagluntad nga sunog sa Brgy. Rizal Pala-Pala Zone 1, City Proper alas 3 kaina sang kaagahon. Suno sa bata ni Yolanda nga si Jonalyn Elaorya, 34 anyos, nakabungkaras siya sang ginpahibalo sang 6 niya ka tuig nga bata nga naga-aso ang kaingud nila nga kuwarto. Madasig sini nga ginhingagaw paguwa sa balay ang mga bata kag nagpangayo sang tabang. Madasig nga napalong ang kalayo bangud sang pagbuligay sang ila mga kasilingan. Sa imbestigasyon ni Senior Fire Officer 1 Rolen Hormina sang BFP, gintunaan sang sunog ang napabay-an nga kandila sa altar. Ginabanta sa P2,000 ang balor sang kahalitan sa sunog. (JoMaque)