(UPDATE) Suspek sa pagtiro sa pulis sa Arevalo, nagapabilin nga at-large

Iloilo City–Wala na nakapauli sa ila balay sa South San Jose, Molo ang suspek sa pagtiro sa pulis sa Sooc, Arevalo kagab-i.

Suno kay Mr. Joel Tugado, amay ni Joel Tugado Jr alyas Bornok, nakibot siya sang nabatian sa report nga may gintiro ang iya anak.

Nagresponder lang si PO1 John Rey Sadsad, assign sa Oton Police Station, sa report nga may lalaki nga nagapanglambat sa ila lugar. May report man nga nagpatunga si Sadsad sa away ni Bornok kag sang iya live-in partner. Ginsaway sang pulis ang suspek pero nagabot ini sang pusil kag gintiro si Sadsad.

Naigo sa tuo nga kilay ang pulis kag padayon nga ginabulong sa ospital. (AGB)