Warden sang IDJ-BJMP, nagpasalig nga imbestigaran kon paano nakalusot ang mga kontrabando nga nakumpiskar sa greyhound operation

Pototan, Iloilo–Nasorpresa ang mga personnel sang Iloilo District Jail sa Nanga, Pototan sa gulpi nga greyhound operation sang Bureau of Jail Management and Penology regional office kahapon.

Suno kay Jail Supt John Montero, warden sang IDJ-BJMP Nanga, wala siya sang natabu ang operasyon pasado alas-4 kahapon sang hapon.

Nakumpiskar sa mga selda sa male dormitory ilabe na sa selda sang mga high profile kag high value target inmates ang mga kontrabando pareho sang cellphones, gambling paraphernalia kag iban pa nga gadgets.

Nagpasalig si Montero nga imbestigaran kon paano nakalusot ang mga kontrabando.

Una na nga ginconfirmar ni Senior Jail Officer 3 Leo Lacerna sang BJMP 6 nga isa sa mga nakuhaan sang cellphone si anay barangay kagawad kag PDEA identified drug personality Jesus ‘Jingjing’ Espinosa. (AGB)