Incumbent PB Remia Prevendido-Gregori kag Keith ‘Dabing’ Espinosa, liwat napilian sa eleksyon sa pihak sang isyu nga naga-angut sa ila sa illegal drugs

Iloilo City–Nakita sang mga pumuluyo nga wala naga-intra sa illegal nga druga si Bakhaw, Mandurriao incumbent Punong Barangay Remia Prevendido-Gregori.

Ini ang nakita nga rason ni Gregori sa iya liwat nga pagdaug sa pagka-punong barangay pagkatapos sang Barangay kag Sangguniang Kabataan ukon elections kahapon.

Nagpasalamat si Gregori sa mga nagboto sa iya sa pihak sang mga isyu nga ginahaboy sa iya.

Nagpasalig ang punong barangay nga maserbisyo siya sang maayo sa ila barangay.// Si Gregori ang utod ni the late PDEA-identfied drug group leader Richard Prevendido.

Suno naman kay Guadalupe Balidiong, team manager sang mga nagapangampanya sa grupo ni Monica-Blumentritt, City Proper Punong Barangay Keith ‘Dabing’ Espinosa, palangga sang mga tawo ang ila mga kandidato gani landslide ang kadalag-an tubtob sa SK.

Ini bisan may mga isyu pareho sang illegal drugs suno sa iya nga ginahaboy kay Espinosa.

Si Espinosa ang asawa ni PDEA-identified drug personality Jesus ‘Jingjing’ Espinosa nga anay barangay kagawad man sa lugar. (AGB)