Senate Committee on Public Services nga ginapamunuan ni Senator Grace Poe, mahiwat sang public hearing sa Sangguniang Panlalawigan session hall buwas

Iloilo City–Magahiwat sang public hearing ang Senate Committee on Public Services nga ginapamunuan ni Senator Grace Poe sa syudad buwas.

Pagatalakayon sa hearing ang nagkalain-lain nga issues angut sa public services kag legislation nga ginalakipan sang ginaproponer nga pagbutang sang mga opisina sang Land Transportation Office sa Visayas kag tanan nga franchise applications sa rehiyon.

Diskusyunan man sa hearing ang epekto sang Tax Reform for Acceleration and Inclusion ukon TRAIN law sa transportation, tubig kag elektrisidad.

Sa sulat nga ginpadala sang senador kay Governor Arthur Defensor, hiwaton ang hearing sa session hall sang Sangguniang Panlalawigan, alas-10 sa aga.

Kaupod ni Poe sanday Senators Nancy Binay kag JV Ejercito. (AGB)