North Baluarte, Molo Punong Barangay Gindismiss Sang Ombudsman

Molo, loilo City — Gindismiss sang Office of the Ombudsman si North Baluarte, Molo Punong Barangay Alan Aurelio bangud sa serious dishonesty.

Gin-confirm ni Aurelio nga nabaton na sini ang kopya sang dismissal sang Mierkules apang nagbalibad na nga maghatag sang dugang nga detalye. Ginabilin naman sini sa iya abogado ang masunod nga tikang.

Base sa desisyon nga pirmado ni Deputy Ombudsman for the Visayas Paul Elmer Clemente nga nafetsahan Abril 10 subong nga tuig, guilty si Aurelio bangud naghimo sang ghost laborer sang ginkay-o ang drainage sa barangay. Ginlakip sa payroll si Jaypee Bolante apang nanginwala ini nga nag-obra siya kag naswelduhan sang 7 mil pesos.

Kaupod sang kapitan nga nadismiss ang barangay treasurer nga si Claire Magarse.

(att)