Lapaz, Iloilo City — Isa ang patay samtang duha ang pilason sa pamilya Jalandoni samtang nagasakay sa Isuzu Sportivo pagkatapos gintiro sang ila kasilingan sa Laguda Extension, Barangay Magsaysay kagab-i.

Pasado alas 2:00 kaina sang kaagahon napatay si alyas Jez sa medicus hospital. Naigo si Jez sa ibabaw sang iya ilong nga naglapos sa idalum sang tuo sini nga dulunggan, leog kag guya .

Napilasan naman ang iloy nga si Marites Jalandoni, 45-anyos, driver sang salakyan sa  tuo nga kamut  kag may kibyas sa wala nga abaga  samtang nakibyasan si Jedidiah, 18-anyos sa dughan.

Wala naman napilasan ang 13-anyos kag 11-anyos nga yara sa likod sang driver seat. Sa guwa na sa gate kag pasulod na kontani sa ila balay ang lima ka miembro sang pamilya Jalandoni sang hinali lang ginluthang sang suspek nga ginkilala sang pamilya sang mga biktima kay Teopisto alyas “Totong” Sebanta nga kasilingan nila.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply