San Joaquin, Iloilo — Ginrekomendar sang San Joaquin police ang pagtukod sang Special Investigating Task Group agud mag-imbestigar sa pagtiro patay kay Bakhaw, Mandurriao Punong Barangay Remia Prevendido-Gregori sa ila beach resort sa San Joaquin sang Hunyo 24.

Suno kay SPO1 Samuel Cescar, chief investigation sang San Joaquin Police Station, ginrekomendar nila ini sa case conference kahapon. Gin-ako ni Cescar nga wala pa sila sang identity sang lima tubtob anum ka suspek nga nagsulong sa beach resort sa Barangay Igcadlum kag wala man sila sang time frame sa pagsolbar sang kaso. Nabudlayan man ang police nga mag-establisar sang motibo bangud wala na sang matindog nga testigo kon ano ang natabu.

Statement sang Pamilya Prevendido-Gregori

Mapaguwa sang statement ang pamilya ni Bakhaw, Mandurriao Punong Barangay Remia Prevendido-Gregori angut sa pagtiro patay sa iya sa ila beach resort sa San Joaquin pagkatapos sang lubong.

Suno kay SPO1 Samuel Cescar, chief investigator sang San Joaquin Police Station, naghingyo ang bata ni Prevendido-Gregori nga patapuson lang ang lubong sa ila iloy antes sila maghatag sang ila bahin sa natabu. Apang gin-ako ni Cescar nga wala sila nakahibalo kon san-o ang lubong sang punong barangay.

Una na nga ginhambal sang San Joaquin police nga nabudlayan sila sa pag-imbestigar bangud wala nagakooperar ang pamilya ni Prevendido-Gregori. Bisan ang bana sang punong barangay nga si Bonifacio nga napilasan sa tiil sang natabu ang pagtiro ang indi malab-ut sang mga pulis. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply