Iloilo City–Nag-ako ang preso sa Iloilo City District Jail Male Dormitory sa Brgy. Ungka nga siya ang nagtaytay sa kasubong nga preso sa jail facility kag sa drug suspect nga nadakpan sa Arevalo.

Suno kay Charlie Gubatanga, 32-anyos, ginpamangkot siya sang dorm representative sa selda 7 nga si Jorge Barcebas,43-anyos, kun sin-o ang mahimo sugu-on nga sa guwa sang jail facility.

Hulyo 2 suno kay Gubatanga sang gincontact niya ang abyan nga si Coroelo De Guzman paagi sa cellphone number nga ginsulat sang ulihi nga nahambal kag ginbilin sa iya sang nagbisita sa jail facility. Si De Guzman ang upod ni Boshein Jorge Castillo nga nadakpan sa drug operation sa Arevalo.

Gin-ako ni Gubatanga nga ginpahulam siya sang sim card ni Barcebas kag ginpagamit sang iya man nga cellphone sang Hulyo 2.

Ginsurrender kahapon ni Gubatanga ang iya sim card nga natago sa selda 7 nga ginpahayag ginpahulam sa iya ni Barcebas.

Ginbuyagyag man ni Gubatanga nga may cellphone na nga ginagamit si Barcebas sugod sang Nobyembre sang nagligad nga tuig.

Ginpahamtang sa isolation cell sanday Gubatanga kag Barcebas samtang nagapadayon ang imbestigasyon.

Si Gubatanga ang may mga kaso nga theft kag paglapas sa Comprehensive Dangerous Drugs Act samtang may mga kaso naman si Barcebas nga robbery, paglapas sa Comprehensive Dangerous Drugs Act, murder kag illegal possession of explosives and firearms.(AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply