ICPO, ginatutukan ang pagkilala sa mga riding-in-tandem suspects bangud sa sunod–sunod nga insidente sang pagpang-snatch sang cellphone sa syudad
Iloilo City – Nagmandu si Iloilo City Police Office ukon ICPO Director Henry Biñas nga tutukan ang pagkilala sa riding-in-tandem suspects bangud sang asod-asod nga insidente sang pagpang-snatch sang cellphones sa siyudad.
Kasunod ini sang apat ka insidente sang pagpang-snatch nga narekord sa nakaligad lang nga duha ka adlaw sa Lapaz kag City Proper.
Nakig-angot na ang mga police sa mga establishemento komersiyal nga may CCTV cameras agud makakuha sang impormasyon kag makilala ang mga suspects.
Nagapati si Biñas nga tripping lang ang ginahimo sang mga suspetsado kag indi sila organisado.
Ginapaaligmat man sang opisyal ang publiko ilabe na ang nagalakat sa mga dalanon kon gab-i. (JoMaque)