(UPDATE) Reklamo sang mga home owners sang Parc Regency Q sa Pavia sa ila tubig, nakalab-ut na kay Mayor Mike Gorriceta

Pavia, Iloilo–Nagmandu si Pavia Mayor Michael Gorriceta sa Municipal Health Officer nga makig-angut sa Department of Health agud ma-check ang ginasupply nga tubig sa Parc Regency Q sa Balabag, Pavia.

Kasunod ini sang pagsulat sang mga homeowners sa alkalde agud magpangayo sang bulig sa ila reklamo sa potability sang ila tubig.

Ginapa-abot suno sa alkalde nga magpadulong sa subdivision ang mga personnel sang DOH 6 agud macheck ang tubig nga ginareklamo sang mga home owners nga nagpositibo sa E. Coli bacteria ang water sample sang ila ginpa-test.

Nag-flushing kahapon ang developer nga PRO-Friends sa ila mga pipelinea kag nagpaninlo man sang ila tangke subong nga adlaw. (AGB)