Balay sa Arevalo, nasunog

Iloilo City–Nasunog ang duha ka panalgan nga balay sang pamilya Dayaday sa Sto. Niño Sur, Arevalo kaina sang aga, Setyembre 25.

Suno kay Richard Dayaday, nagapahuway siya sa kuwarto sang nagpanawag ang iya iloy nga may sunog.

Gintinguhaan pa nila nga mapalong ang kalayo apang madasig nga naglapta sa bilog nila nga balay. Wala naman nakalaton ang kalayo sa kaiping nga mga pamalay bangud sang nakapalibot nga pader.

Ginpahayag ni Dayaday nga may nabatian sila nga naglupok sa ila electrical connection antes nag-ibwal ang kalayo. (AGB)