Philippine Army, magahimo sang clearing operations sa nabukid nga parte sang Alimodian kag Leon sa Semana Santa

Iloilo — Magahimo sang clearing operations ang mga suldado sa nabukid nga parte sang Leon kag Alimodian bilang preparasyon sa Semana Santa.

Ini ang ginpahibalo ni Lieutenant Colonel Benedict Batara, commanding officer sang 61st Infantry Battalion.

Magluwas sini, ma-deploy man sang grupo si Batara sa nasambit nga mga banwa upod sa mga pulis agud masiguro ang safety sang publiko ilabe na sang mga turista kag deboto nga masaka sa mga tourist destinations sa nabukid nga parte sang Leon kag Alimodian.

Una na gin-abisuhan sang Philippine Army ang publiko nga likawan ang pagsaka sa mga tourist destinations sa nabukid nga parte sang Igbaras, Miagao kag San Joaquin bangud sang sunod-sunod nga engkuwentro sa tunga sang mga suldado kag ginapatihan miembro sang New People’s Army sang nagligad nga bulan. (JoMaque)