Mayor Joe Espinosa, namuyayaw angot sa statement sang ICCHC nga dapat nag-coordinate ang syudad sa ila sa pagpahamtang sang children’s playground

ILOILO CITY — Wala napunggan ni Mayor Joe Espinosa nga mamuyayaw angot sa statement sang Iloilo City Cultural Heritage Conservation Council nga kuntani ginkonsulta sila sang City Government antes ginbutang ang Children’s Playground sa mga plazas bilang delicadeza.

Suno kay Espinosa, indi siya magpasugot nga intrahan pa sang pamulitika ang para sa mga kabataan.

Wala suno sa iya nagtugda ang council angot sa pagpahamtang sang ukay-ukay sa mga plazas sa diin wala man lang sang resolution ang council nga ginpadala sa alkalde.

Dugang pa sang alkalde, kun may ipakita nga resolution ang Council angot sa ukay-ukay, ipakakas niya gilayon ang mga playgrounds. (JoMaque)