Magkasunod nga linog sa Luzon kag Visayas, indi konektado – PHIVOLCS

Iloilo City – Indi konektado ang linog nga nagtay-og sa pila ka lugar sa Luzon kahapon, Abril 22, kag pagtay-og sa Visayas kahapon sang hapon, Abril 23.

Paathag ni Mr. Jun Boneta sang Philippine Institute of Volcanology and Seismology (PHIVOLCS), naghulag ang trench ukon ang ginatabuan sang duha ka tectonic plates rason nga nagtay-ug sa Eastern Samar.

Na-record ang epicenter sang 6.5 magnitude nga linog sa San Julian, Eastern Samar. Nabatyagan ini sa iban nga lugar sa Visayas lakip ang Iloilo bangud madalom ang ginhalinan sang pagtay-og nga 63 kilometro.

Samtang, local fault line naman ang rason sang pagtay-og sa Zambales kahapon. Paathag ni Boneta, naglitik ukon naghulag ang tectonic plates nga nagresulta sang pagtay-og.

Posible suno kay Boneta ang aftershocks sa Visayas pero indi na tuman ka baskog kasubong sang natabu kahapon. (JoMaque)