IPPO Director, nag-engganyo sa pumuluyo nga mag-report sa ila text hotline angut sa vote buying kag iban pa nga election-related incidents

IPPO Headquarters – 28 na ka kaso sang alleged vote buying ang ginpalab-ut sa Iloilo Police Provincial Office halin lang Mayo 6 tubtob subong nga adlaw, Mayo 9.

Suno kay IPPO Director Police Col. Marlon Tayaba, naghalin ang impormasyon sa 1st, 3rd, 4th kag 5th districts.

Nagaresponder suno kay Tayaba ang ila striking force pero wala sang naabtan sa akto.

Gin-engganyo naman ni Tayaba ang pumuluyo nga mag-report sa ila text hotline kon may mahibaluan nga vote buying kag iban pa nga election-related incidents.

Mahimo mag-text sa hotline numbers sang IPPO nga 0999-529-8131 kag 0998-598-6190. (JoMaque)