Iloilo — Bugal sang West Visayas State University Main Campus ang pagkalakip sa top 10 ni Dhaenalene May Evangelista sa March 2019 Licensure Exam for Teachers.

Si Evangelista ang nakakuha sang score nga 91.80 percent kag nagtupa sa ikaanum nga pwesto. Sang Sabado, Mayo 25, ginpaguwa sang PRC ang resulta sang pasinawan.

 Base sa Facebook post ni Evangelista, naglab-ot sa punto nga indi na siya kuntani madayon sa pagkuha sang board exam apang nangin positibo siya kag nagsalig sa Ginuo.

Nag-graduate nga magna cum laude sa kurso nga Bachelor of Science in Special Education si Evangelista.       

Nagpanguna naman sa pasinawan si Honey Gracielle Decosto nga graduate sang University of Mindanao- Davao City sa secondary level samtang top 1 naman sa elementary level si Stephanie Apple Piodio sang Compostela Valley State College-Montevista Branch. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply