Magulang, natiruhan sang manghod nga iya gin-saway nga untatan ang pagpang-babaye

By: JoMaque | July 8, 2019, 8:35am
Via Aksyon Kikik Enar | Aksyon Night Patrol Sunday Edition

Maasin, Iloilo — Pilason ang magulang kasunod nga natiruhan sang iya manghod sa Santa Rita, Maasin kagab-i, July 7.

May igu sa liog kag daplis sa abaga si Alyas Roel, 47 kag barangay kagawad sa ila lugar. Samtang presu naman sa Maasin Police Station si Alyas Dennis, 32.

Suno kay Police Major Ciriaco Esquilarga, hepe sang Maasin Police Station, ginsaway ni Roel ang iya manghod nga untatan ang pagpang-babaye.

Posible nga ginkaakig ini sang manghod rason nga iya natiruhan ang magulang. May asawa si Dennis kag naga-trabaho sa abroad.

Padayon nga ginabulong sa ospital si Roel. Wala naman na-recover ang pusil nga gin-gamit sa krimen.