Concepcion, Iloilo, naka-record sang COVID-19 cases sa una nga tiun

By: JoMaque | July 10, 2020

Sa labing una nga tiun, naka-record ang banwa sang Concepcion sang kaso sang COVID-19.

Sa post sa Facebook ni Mayor Raul Banias, tatlo ka residente sang banwa–duha ka locally stranded individuals kag isa ka OFW ang nagpositibo kag naka-isolate sa quarantine facility sang banwa.

Yari ang bilog nga post ni Banias:

Pahibalo sa akon mga palangga nga kasimanwa.

Ang tanan gin himo gid naton nga ma delay kag ma tapna ang pag sulod sang Covid 19 sa aton banwa apang tungod sang sitwasyon nga naga pauli na ang aton mga kasimanwa nga halin sa High Risk areas aton gin sila batunon kag tatapon.

Kagab-i gin pahibalo ako sang aton Mun Health Officer nga may tatlo kita ka na Isolate kag na Quarantine sa aton Ligtas Covid Isolation Facility nga nag Positivo sa RT PCR Test sa Covid 19. 2 ka Locally Stranded kag 1 ka OFW naton nga mga kasimanwa.

Ang ining tatlo nag abot sakay sa isa ka barko sang June 26 kag gin deretso diri sa aton Isolation Facility sang aton designated Covid ambulance. Na isolate sila sang 13 days na kagab-i kag Asymptomatic sila tanan. Buot silingon wala sila signs and symptoms subong katulad sang ubo ukon hilanat. Ipadayon naton ang pag isolate sa ila sa sulod pa gid sang 1 ka semana.

Naga close coordination sa akon ang aton Municipal Health Officer kag ang aton diri paga himuon nga response isa ka agresibo nga tikang para matapna gid naton ang Local Transmission kag ma prevent ang pag spread sang Covid 19 sa aton banwa.

Nakahibalo man kamo tanan nga ang tanan gina himo naton nga ma delay kag ma prevent ang pag sulod sang Covid 19 sa aton banwa pero gina pa abot man naton nga ini indi na naton mapunggan kay batunon gid naton ang aton mga kasimanwa nga naga pauli kag atipanon sang maayo.

Ang mga tikang naton nga paga himuon naton subong i discuss ko sa aton ipa tawag nga emergency meeting sang ABC kag sang Kontra Covid 19 Task Force 9:30 sini nga aga.

Maga himo kita sang diligent nga Contact Tracing, maga Swab for RT PCR tests kita sang tanan nga naga duty sa aton Isolation Facility, kag i isolate na naton ang mga naga kadto dira nga may posibilidad nga naka contact sa nag positive naton nga LSIs kag OFW. Nag emergency purchase na kita nga daan sang 200 ka RT PCR Test Kits.

Indi naman kita mag baton sang bag-o nga LSI kag OFW asta mag gua ang results sining aton gina Isolate pa subong para indi ma overwhelm ang aton kapasidad sa paghandle safely sang aton Isolation Facility.

On a positive note, we are quite confident nga we have handled and operated safely our Isolation Facility because we strictly Quarantined our LSIs and OFWs one person to a room only, except sa mga may pamilya nga may magagmay nga kabataan.

We have provided enough PPEs and sanitizers sa tanan and we have strictly implemented our preventive health protocols.

Padayon kita ka mag halong. Everybody mag gamit gid sang Masks sa gua sang balay, mag social distancing, mag avoid sang large gatherings and crowd, mag hugas sang kamot pirme kag padayon kita nga mag pangamuyo kag mag dangop sa Ginoo nga iya kita protectionan.

Naga pasalamat ako sa aton mga Health Frontliners kag Volunteers especially kay Dr Helen Minguez nga selflessly naga serbisyo para sa aton tanan.