Mga private vehicle owners, mas dako ang tiyansa nga malat-nan sang COVID-19 — NTF Chief Carlito Galvez Jr

By: JoMaque | September 15, 2020

Nagapati si National Task Force Against COVID-19 Chief Implementer Carlito Galvez Jr. nga dako ang tyansa nga malatnan sang COVID-19 ang mga motorista nga may kaugalingon nga salakyan sang sa mga commuters.

Ini ang ginpabutyag ni Galvez kagab-i sa briefing sang IATF upod kay Presidente Rodrigo Duterte sang na-istroyahan ang parte sa pagpalip-ot sang physical distance sa mga pasahero.

Suno kay Galvez, base sa mga pagtuon nga iya nabasa mas delikado ang mga private vehicle bangud air conditioned kag indi makaguwa ang hangin.