Transport group, naghirit sang P15-P18 fare increase sa jeep sa pag-implementar sang 1-meter physical distancing sa mga pasahero

By: JoMaque | Setyembre 24, 2020

Iloilo City — Posible nga mangin P15 ukon P18 ang plete sa mga de-pasahero nga jeep sa Western Visayas kun ma-aprubahan sang Land Transportation Franchising and Regulatory Board ukon LTFRB Central Office ang hingyo sang mga transport group.

Ini sa tiun nga i-implementar sugod sa Lunes, Setyembre 28, ang 1-meter nga physical distancing sang mga pasahero.

Suno kay Iloilo City Loop Alliance of Jeepney Owners and Drivers Association (ICLAJODA) President Raymundo Parcon, hulaton pa nila sa Lunes ang provisional authority halin sa LTFRB central office para makapasaka sang plete.

Pero gin-athag ni Parcon nga 15 pesos lang ang ila ginhingyo nga pletehan sa Western Visayas pero ila sundon kun anu man ang mangin desisyon kag ma-aprubahan sang LTFRB central office. | via Aksyon Night Patrol