By: JoMaque | Oktubre 31, 2020

ILOILO CITY – Nahibaluan ni Lieutenant General Antonio Parlade, Jr., chief sang AFP Southern Luzon Command kag miembro sang National Task Force to End Local Communist Armed Conflict (NTF-ELCAC) nga yara sa narco list ni Presidente Rodrigo Duterte si Eric Almendras alyas Ka Eric.

Si Ka Eric ang ginpresentar ni Parlade nga resource person sa kampanya kontra sa CPP-NPA, kag amo man ang nagtudlo sa Makabayan Bloc representatives sa Kamara nga mga miembro sang amo nga grupo.

Si Ka Eric, gin-identify ni Lean Porquia, anak sang ginpatay nga si Bayan Panay coordinator Jory Porquia, nga amo si Jeffrey Celiz, anay spokesperson ni former Mayor Jed Patrick Mabilog.

Sa interview sang Aksyon Radyo Iloilo kay Parlade sa programa Firingline kagab-i, Oktubre 30, gin-ako niya nga napa-athag man ni Ka Eric ang sirkumstansiya kun ngaa nalakip siya sa narco list.

“Naipaliwanag naman ‘yan ni Ka Eric at alam namin ‘yan. Hindi namin pwedeng i-discuss ang mga operational matter na ‘yan especially na hindi ‘yan sa operation ng Armed Forces. PDEA operations ‘yan,” ang paathag ni Parlade.

Dugang ni Parlade, kabahin pa si Ka Eric sang nagapadayon nga operasyon.

“Let’s just say na he is part of an ongoing operation. It’s an active operation.”Ginpabutyag pa ni Lt. Gen. Parlade nga si Ka Eric ang kabulig sang AFP, “hindi lang sa insurgency na ito, kung hindi dito rin sa campaign natin to rid this nation with illegal drugs and all these people involved in drug syndicate.”

Agosto, 2016 sang gin-anunsyar ni Presidente Duterte ang iya una nga “narco list” sa diin nalakip ang pangalan nanday Celiz kag Mabilog.

PAANO NA-CONTACT SI KA ERIC?

Madugay na nga nagapangita sang tawo nga maka-paathag sang mga dokumento may kaangtanan sa CPP-NPA kag sa kaangtanan diri sang Makabayan Bloc si Parlade.

“Ako talaga ang naghanap ng reference person para intindihin ang Communist Party na ito,” suno kay Parlade.”

Nagkataon na meron tayong ano… of course isang organisasyon lang kami dito sa Armed Forces, so may mga kasamahan tayo na nakakilala kay Eric.

At sila ang nagdala kay Ka Eric,” dugang ni Lt. Gen. Parlade.Suno kay Parlade, 2017 sang napakig-angutan niya si Ka Eric.

Pero antes sini, nag-surrender, suno sa heneral, si Ka Eric pero wala lang siya nakapat-od kun ano nga tuig.

Nagsungka suno sa iya si Ka Eric upod sa iya asawa nga kabahin man sang hublag bangud indi na nila matatap ang ila kabataan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply