Iloilo City, nalakip sa gin-identify nga high risk sa COVID-19

By: JoMaque | Nobyembre 4, 2020

Nalakip ang Iloilo City sa siyam ka mga Local Government Units sa pungsod nga gin-identify sang OCTA research team nga high risk area sa COVID-19 sa ila November 3 nga report.

Magluwas sa Iloilo City, nalakip man sa siyam ang Makati City kag Malabon City sa NCR; Baguio City, Itogon kag Tuba, Benguet kag Lucena, Quezon sa Luzon; Catarman, Northern Samar sa Visayas; kag Pagadian, Zamboanga del Sur sa Mindanao.

Ginbasehan sang mga researchers sa pagpili sang mga high risk areas ang mataas nga daily cases, attack rate, kag mataas nga hospitality occupancy bangud sa COVID-19 sang mga LGUs.

Gin-abisuhan sang mga eksperto ang nasambit nga mga LGUs nga pabaskugon pa ang ila testing, contact tracing, kag isolation efforts agud mapahagan-hagan ang paglapta sang COVID-19.

Ang OCTA research team, ang ginabug-usan sang mga eksperto nga naga-monitor sa COVID-19 situation sa pungsod. | via GMA