Iloilo City — Nagaplano ang clearing team sang siyudad suno kay Anti-Squatting and Illegal Structures Unit (ASISU) Head Love Joy Hosenilla nga mag-operate bisan sa Sabado nga adlaw agud makumpleto ang paglimpyo sa mga kabarangayan sa siyudad subong nga Disyembre.

Posible nga ma-umpisahan ini sa masunod nga Sabado dugang pa ni Hosenilla.

Ginalantaw man sang team ang posibilidad sang ila pag-operate kun gab-i agud nga maaktuhan ang mga naga-parking sa higad sang karsada.

Istoryahon pa ni Hosenilla si PSTMO Head Jeck Conlu parte diri bangud indi na sakop sang obligasyon sang ASISU ang mga naga-illegal park.

Sa subong suno kay Hosenilla, nagahatag pa sila sang gamay nga konsedirasyon sa iban bangud sang Christmas season apang lauman suno sa iya ang mas hugot nga implementasyon sang road clearing sa Enero 2021.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply