Iloilo City — Nadakpan sa buy bust operation sa Brgy. Taal,, Molo ang home-based call center agent pasado la una subong nga hapon, Enero 27.

Suno kay Lt. Marlon Perez, deputy chief of police sa Molo Police Station, nakuhaan ang subject nga si Lyndon Glen Diego sang duha ka bulto sang suspected shabu nga ginabanta nagabalor sang P50,000.

‘Pick up-motel’ ang transaksyon ni Diego suno kay Perez.

Gina-meet niya sa motel ang ka-transaksyon kun dyutay lang ang supply nga gina-transaksyon samtang ginadul-ong niya kun madamo.

Kapin isa ka bulan na nga gina-monitor sang pulis ang subject nga naka-agi man preso bangud sa pagpangawat.

Nagapati ang pulis nga nag-engage sa illegal drugs ang subject paagi sa mga nakaupod niya sa karsel sadto.

Gintinguhaan sang Aksyon Radyo Iloilo nga makuhaan sang pahayag si Diego apang wala siya naghatag. | via Aljohn Torreta

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply