Top 3 most wanted person, sa Banate, Iloilo, nadakpan sa Capiz

Capiz — Nadakpan sang mga otoridad sa Brgy. Tacas, Pontevedra, ang 25 anyos nga lalaki nga ginakabig top 3 most wanted person sa Banate, Iloilo bangud sa kaso nga rape, las 4 kahapon sang hapon, Marso 10.

Ginhimo ang operasyon sang gintingub nga puwersa sang Pontevedra Police kag sang Banate Police.

Ginkilala ang subject kay Regie Besen sang Brgy. De Lapaz, Banate Iloilo nga ginatudlo nag-rape kag naglampos sang bato sa 80-anyos nga babaye sang 2018.

Gin-isyu ang warrant ni Hon. Jose Mauricio Gomez, acting presiding judge sang RTC 6th Judicial Region, Branch 66, Barotac Viejo, Iloilo nga napetsahan sang Setyembre 9, 2019.

P120,000 ang ginrekomendar sang korte para sa temporaryo nga kahilwayan ni Besen.