Biyahe sang modernized boats, RoRo vessels halin Iloilo pa-Guimaras vice versa, gin-extend tubtob 5pm; Biyahe sang mga PUJs sa probinsya, gin-extend man tubtob 5pm

Ginkumpirmar ni Guimaras Vice Governor John Edward Gando nga gin-extend sang provincial government ang oras sang biyahe sang mga modernized boats kag roro vessels halin Iloilo pa-Guimaras and vice versa.

Base ini sa Executive Order No. 28 nga gin-issue ni Guimaras Governor Samuel Gumarin.

Bangud sini, ang biyahe sang sea vessels magasugod na 6am tubtob 5pm.

Epektibo kahapon, Hunyo 23 ang nasambit nga EO suno kay Gando.

Nasaad man sa EO ang pag-extend sa oras sang pagbiyahe sang mga depasahero nga jeep sa probinsya.

Halin 5am tubtob 5pm na ang biyahe sang mga PUJs suno sa bise gobernador.

Pasugtan man nga mag-operate ang mga business establishments sa probinsya magluwas lang sa mga barber salons kag spas.