Mag-iloy, nakaluwas sang naligidan sang dako nga bato ang ila balay sa Buenavista, Guimaras

Guimaras — Dako ang pagpasalamat ni Mrs. Juvylee Talaron nga nakaluwas sila sang iya duha ka bata nga lalaki matapos nga naligidan snag dako nga bato ang ila balay sa Brgy. Dagsaan, Buenavista, mga las 11 sang Lunes sang gab-i.

Suno kay Talaron, totally-damaged ang ila balay sang naligidan sang dako nga bato kag diutay lang nga injuries ang naagum nila sang iya anum ka tuig nga bata.

May bagras sa wala nga paa si Juvylee samtang may lagub naman sa dughan ang iya 6 ka tuig nga bata sang natup-an sang atop.

Nagakatulog ang mag-iloy sang gulpi lang nakabati si Juvylee sang huganas kag nawasak ang ila balay.

Ginapatihan ni Juvylee nga napunggan sang duha ka haligi sa ila uluhan ang bato rason nga nagpangalihid ini kag sa pihak nag-agi kabangdanan wala sila matup-an.

Natabuan nga wala sa ila balay ang bana ni Juvylee bangud nagatrabaho sa siyudad sang Iloilo. — via BBB