Councilor Romel Duron ginaproponer ang pag-regularize sang mga traffic aides agud ma-deputize sang LTO

ILOILO CITY – Gina-propose ni Councilor Romel Duron sa City Council ang pag-regularize sang mga traffic aides agud nga ma-deputize sila sang Land Transportation Office (LTO).

Suno kay Duron, mas maayo nga mabutangan sang plantilla positions kag mahatagan sang nagakaigo nga budget ang mga traffic aides agud nga mangin regular sila.

Una na nga ginpahayag sang LTO 6 nga kinahanglan permanent position nga na-assign sa traffic and management control ang pwede maka-apply sa deputation.

Mahimo suno sa LTO 6 nga maka-regularize sila sang 10 ka mga traffic aides. Kun kinahanglan naman sang mga non-deputized traffic aides nga magkumpiskar sang lisensya, pwede sila makapanghayo sang assistance sa deputized agents, dugang sang LTO 6.