Suspetsado sa robbery hold-up, pagpanghimulos arestado sa Calinog

ILOILO — Arestado pamaagi sa pag-implementar sang search warrant ang 26-anyos nga lalaki nga suspetsado sa kaso nga robbery hold-up kag pagpanghimulos kaina las-6 sa aga sa Brgy. Lampaya, Calinog.

Ginkilala ang subject kay Adrian Pineda.

Suno kay PMaj Dadje Delima, hepe sang Calinog Municipal Police Station, may nag-tip sa ila nga nagapanag-iya si Pineda sang pusil.

Nakuha kay Pineda ang isa ka 12-gauge shotgun kag isa ka fragmentation grenade.

Nagapangatubang siya suno kay Delima sang kaso nga pagbayolar sang RA 10591 ukon Illegal Possession of Firearm kag RA 9516 ukon Illegal Possession of Explosives.

Dugang ni Delima, isa si Pineda sa mga suspetsado sa robbery hold-up sang Marso 28, 2022 sa Passi City kun diin nakuha ang balor nga 1,568,044 pesos.

Yara na sa custody sang Calinog MPS si Pineda.