Mobile jails nagahulat sa mga “maoy” kag “troublemakers” sa highlights sang Dinagyang 2024

Iloilo City—May nagahulat nga mobile jails sa mga ‘maoy kag troublemakers’ nga indi masaway kag magahimo sang kinagamo sa Dinagyang Festival, suno kay Iloilo City Police Office Spokesperson Police Major Shella Mae Sangrines.

Suno kay Sangrines, tatlo ka mga mobile jails ang i-provide sang Bureau of Jail Management and Penology (BJMP) 6 nga posible ipahamtang sa City Proper kag Mandurriao.

Pero kun kulang ang mobile jails, ginpahayag ni Sangrines nga nagkomiter si Mayor Jerry Treñas nga madugang sang container van sa siyudad kun kinahanglan.

Ang mobile jail ang salakyan nga ginahimo pasilidad agud ikustodiya ang mga nagasinabad sa Dinagyang Festival.